آٹھ فروری کو ہونے والے عام انتخابات کالعدم قرار دینے کی درخواست سپریم کورٹ میں سماعت کے لیے مقرر کر دی گئی ہے شہری علی خان نے عام انتخابات 2024 میں دھاندلی کی بنیاد پر ملک میں دوبارہ انتخابات کرانے کی درخواست دائر کی تھی۔
چیف جسٹس کی سربراہی میں تین رکنی بینچ تشکیل دے دیا گیا جو 19 فروری کو کیس کی سماعت کرے گا۔
کیس کی سماعت کرنے والوں میں سپریم کورٹ کے جسٹس محمد علی مظہر اور جسٹس مسرت ہلالی کے نام بھی تین رکنی بینچ میں شامل ہیں۔
آٹھ فروری کو عام انتخابات میں بڑے پیمانے پر دھاندلی کی شکایات سامنے آئی ہیں۔
دھاندلی کی شکایات پی ٹی آئی، اے این پی، جمعیت علماء اسلام، جماعت اسلامی، نیشنل پارٹی اور دیگر جماعتوں کی جانب سے سامنے آئی ہیں۔
پیپلز پارٹی اور نون لیگ کی جانب سے بھی دھاندلی کی شکایات موصول ہوئی ہیں مگر انہوں نے ملک کے وسیع تر مفاد میں حکومت بنانے کا فیصلہ کیا ہے۔
